🏷ⓜⓣ 🌹🌹
یہ نگاہِ شرم جُھکی جُھکی ، یہ جبینِ ناز دُھواں دُھواں
مِرے بس کی اب نہیں داستاں ، مِرا کانپتا ہے رُواں رُواں
یہ تخیّلات کی زندگی ، یہ تصوّرات کی بندگی
فقط اِک فریبِ خیال پر ، مِری زندگی ہے رواں دواں
مِرے دل پہ نقش ہیں آج تک ، وہ بااحتیاط نوازشیں
وہ غرور و ضبط عیاں عیاں ، وہ خلوصِ ربط نِہاں نِہاں
نہ سفر بشرطِ مآل ہے ، نہ طلب بقیدِ سوال ہے
فقط ایک سیریِ ذوق کو ، میں بھٹک رہا ہوں کہاں کہاں
مِری خلوتوں کی یہ جنّتیں کئی بار سج کے اُجڑ گئیں
مجھے بارہا یہ گمان ہوا ، کہ تم آ رہے ہو کُشاں کُشاں
*=== اقبال عظیم ===*
─•═▤ 🌒 مــاہِ 🌙 تـمــام 🌘 ▤═•─
...✒اردو شاعری کے لئے معتبر گروپ🖋...
┏┅━┅━┅━┅━┅━┅━┅─╮
┇🌒MAHE🌙TAMAM🌘
┗┅━┅━┅━┅━─╮
شمولیت کے لئے رابطہ کریں
📲 09270021230
📲 09226142819
No comments:
Post a Comment