تنہا و قابل

🏷ⓜⓣ                           🌹🌹

نالۂ صبا تنہا ، پھول کی ہنسی تنہا
اس چمن کی دنیا میں، ہے کلی کلی تنہا
رات دن کے ہنگامے ، ایک مہیب تنہائی
صبحِ زیست بھی تنہا ، شامِ زیست بھی تنہا
کون کس کا غم کھائے ، کون کس کو بہلائے
تیری بے کسی تنہا ، میری بے بسی تنہا
دیکھئے تو ہوتے ہیں سارے ہمقدم رہرو
کاٹئے تو کٹتی ہے راہِ زندگی تنہا
چارہ ساز ہو کر بھی، حُسن کے یہ تیور ہیں
درد سے تڑپتا ہے ، سوزِ عاشقی تنہا

               *=== صوفی تبسم ===*
 
٭٭٭٭٭٭٭

آپ اپنے رقیب ہوتے ہیں
اہلِ دل بھی عجیب ہوتے ہیں
ہجر کی پُرخلوص راتوں میں
آپ کتنے قریب ہوتے ہیں
راحتوں سے گریز ، غم سے فرار
بعض لمحے عجیب ہوتے ہیں
تم جنہیں عمر بھر نہیں ملتے
وہ بڑے خوش نصیب ہوتے ہیں
گردشیں رُک گئیں زمانے کی
آج دو دل قریب ہوتے ہیں

                 *=== قابل اجمیری ===*

  ─•═▤ 🌒 مــاہِ 🌙 تـمــام 🌘 ▤═•─
...✒اردو شاعری کے لئے معتبر گروپ🖋...
      ┏┅━┅━┅━┅━┅━┅━┅─╮
      ┇🌒MAHE🌙TAMAM🌘
      ┗┅━┅━┅━┅━─╮
         شمولیت کے لئے رابطہ کریں
            📲 09270021230
                📲 09226142819